منتدى

هات ماعندك أخي العزيز وابن الصوفان لن يقصر وسيشدّ على يدك إن كانت ملاحظاتك في مكانها .

ثقتي شخصيتي



بصراحة انا ماشايفة ملاحظات على الأعضاء ابدا



يا ترى شو ملاحظاتك؟؟؟؟؟؟؟؟؟؟

بصراحة لسى ما شفنى خيرك من شرك وحطيت ملاحظات على الكل

وبعتقد لو كان عندك شي كنت كتبتو فوراً

والموضوع للدعاية ولفت النظر مو أكتر و إذا كان هيك القصد بحب قلك أنو نلفت نظرنا خلص

اقتباس:
المشاركة الأصلية كتبت بواسطة sabah
ليش في فكرة ان تسيبي المنتدى زيون حتى عم تطلبي لا تنسوا زيون؟؟؟؟؟؟؟؟؟؟؟؟؟؟؟؟؟؟؟؟




وناطرينك عالهوا
بس انتبهي ما تطيري عالهوا





من كل الموضوع و المشاركات ما شد انتباهك الا مشاركتي

طمني بالك

شغلتي ما مطولة

طايرة بس ما بالهوا

طايرة لسابع سما

بتصدقي

مشاركتك بتسعدني

للامانة و الصراحة و للتاريخ

المنتديات بدون مشاكل و انتقادات و وجع راس

ما حلوة

يلي بيعمل حركة الاختلاف بالرأي

يعني لاحظوا

الموضوع يلي بيكون فيه نقد او اختلاف

عدد مشاهداته اكتر و عدد مشاركاته اكتر

و بيستقطب اعضاء اكتر

على الرغم من انه بعض الاعضاء بيفضلوا انه ما يكون هالشي موجود

و بيفضلوا عدم المشاركة من باب الحياد

بس بيتابعوا هالمواضيع اول باول

يعني هالموضوع بلش بسطرين ليس اكثر

بس ما شاء الله عدد الردود رح تتجاوز بالساعات الاولى اله الصفحتين

مع انه في مواضيع قيمة دينية او ثقافية ما بتلاقي فيها بالزور و بالقوة الا رد او ردين

هل الشي ما بس هون هالشي موجود بكل المنتديات

نزلت عدة مواضيع في وقت متقارب لاتعرف على اهتمامات الاعضاء و نوعية المواضيع التي تستقطبهم و هم

شعر ( صديقاتي ) مشاهدته 19مشاركاته 0

ديني ( رأيت الله ) مشاهدته 58 و مشاركاته 6

ترفيهي ( خصيصا للحمير ) مشاهدته 107 مشاركاته 10

شخصي ( لا تسألوني من انا ) مشاهداته 139 مشاركاته 15

ترحيب ( زيّون من ضيعة كحلون ) مشاهداته 189مشاركاته 15

اداري ( تنبيه و تحذير شديد اللهجة للادارة ) مشاهداته 325 مشاركاته 31

الموضوع الاخير اخد كل الاهتمام و الانتباه

ما شاء الله عدد مشاهداته بالمئات

عدد الردود فيه بالعشرات

عدد صفحاته صارت اربع صفحات

لوين بدي وصل بهالمقارنة

انه نحن منحب اللعي و الحكي و الجدل و الاختلاف

هي حقيقة لو كانت مرة بس بتبقى حقيقة واضحة للكل

طيب سيبوا مواضيعي و انا ما قصدي الحكي عن المشاركة بمواضيعي

فالامر بالنسبة لي غير مهم

القصد تسليط الضوء على طبيعة المواضيع التي تشد الاعضاء و تلفت انتباههم

الموضوع الديني او الشعر و الادب و الثقافة في ادنى سلم الاهتمامات

الموضوع الذي يحتل المرتبة الاولى دائما هو موضوع فيه اختلاف و مشاكل و مناوشات بين الاعضاء

و بين هذه المواضيع تأتي بقية انواع المواضيع

اتمنى لو كل عضو يراجع مشاركاته و ردوده ليتعرف على نوعية المواضيع التي شارك بها اكثر

و ليحكم على نفسه من خلال ذلك

ختاما

الدعاء لي بالفرج الفرج ايا كان نوعه

فقد ضقت ذرعا مما انا فيه

احيانا بحسك حاملة هموم بتهد جبال بكلامك
واحيانا بحسك بتحكي كلام لتشغلي يللي حوليك منشان تتجادلي معو
واحيانا بحسك انسانة متقلبة مزاجيا
مرة ردودك حلوة متل العسل ومرة مرة متل العلقم لا تزعلي من كلامي
وبصراحة بنطر مواضيعك وردودك لأفهم طبيعتك شوي
بس بصراحة عجزت وما قدرت افهمك ولا افهم انت ليش دخلت على هالمنتدى وسجلتي فيه اكتر من مرة
كلامك صحيح نحن شعب منحب الحكي
بس فينك تقولي انك اانت اول الناس يللي بيحب الحكي
وعملتي جو بالمنتدى بمشاغباتك


شي طبيعي الكل يلفتلو انتباهو مواضيع الجدل ويشارك فيه اكتر من غيرو من المواضيع الثقافية والدينية
لأنو بالنهاية االمواضيع يللي بتنزل على المنتدى الفائدة منها بقرائتها اكتر من ردودها
وانا من أكتر القراء لكل المنتديات وكل المواضيع بس مو شرط اذا ما رديت عكل المواضيع انها غير مهمة
بس منشان ما تتشابه الردود وتصير روتينية..



والله يفرجها عليكي يا زيون يللي ستك من كحلووووون

اقتباس:
المشاركة الأصلية كتبت بواسطة ثقتي شخصيتي
هاد المنتدى رائع جدا مع أنو في بعض الملاحظات عليه
بس مواضيعو رائعة
وفي بعض الأعضاء يوجد عليهم ملاحظات كبيرة
بس مارح ندخل بهلموضوع حاليا





ياسيدي أهلين فيك وبملا حظاتك وياريت تدخلنا بموضوع الملا حظات لأنه كتير بيهمنا وبالنسبة للأعضاء ولا يهمك كلهم ارواحهم رياضية وما حدا لح يزعل منك ولو كانت ملا حظاتك كبير ة ونحن بانتظار الأقلام الحرة ...

بالنسبة لزيون حرام عليكم شو ي شوي عليها ... ياجماعة اذا هي جديدة هون وعم تحكي دوما بصراحة ولا الصراحة أحيانا بتوجع .... ما حدا لح يوقف ويدافع عنها ....

ولا يهمك زيونة عزيزتي استمري ونحنا معك والله يفرجها عليك وعل جميع المسلمين أجمعين ....

اقتباس:
المشاركة الأصلية كتبت بواسطة sabah
احيانا بحسك حاملة هموم بتهد جبال بكلامك

من كان بلا هموم فليرمني بحجر

واحيانا بحسك بتحكي كلام لتشغلي يللي حوليك منشان تتجادلي معو

الغريق بيتعلق بقشة

واحيانا بحسك انسانة متقلبة مزاجيا

مظبوط حسب ...........

مرة ردودك حلوة متل العسل ومرة مرة متل العلقم لا تزعلي من كلامي

ليش الزعل اكيد ما رح ازعل من كلمة الحق

وبصراحة بنطر مواضيعك وردودك لأفهم طبيعتك شوي

لا تتعبي حالك انا ما فهمانة حالي

بس بصراحة عجزت وما قدرت افهمك ولا افهم انت ليش دخلت على هالمنتدى وسجلتي فيه اكتر من مرة

ما بس بهالمنتدى كل فترة بعمل زيارات و بالنسبة لهالنتدى تحديدا بيجوز لاني من اللاذقية

كلامك صحيح نحن شعب منحب الحكي

الاعتراف بالذنب فضيلة


بس فينك تقولي انك اانت اول الناس يللي بيحب الحكي

لاني ما عدت قادرة اعمل شي الا الحكي

وعملتي جو بالمنتدى بمشاغباتك

وين ما رحت بعمل مشاكل هاد طبعي ما بيتغير


شي طبيعي الكل يلفتلو انتباهو مواضيع الجدل ويشارك فيه اكتر من غيرو من المواضيع الثقافية والدينية
لأنو بالنهاية االمواضيع يللي بتنزل على المنتدى الفائدة منها بقرائتها اكتر من ردودها
وانا من أكتر القراء لكل المنتديات وكل المواضيع بس مو شرط اذا ما رديت عكل المواضيع انها غير مهمة
بس منشان ما تتشابه الردود وتصير روتينية..

مظبوط




والله يفرجها عليكي يا زيون يللي ستك من كحلووووون

آمين و على كل مبتلي

اقتباس:
المشاركة الأصلية كتبت بواسطة sham_rose
اقتباس:


بالنسبة لزيون حرام عليكم شو ي شوي عليها ...

الله يعطيكي العافية لا تشغلي بالك علي
بالعكس انا مستمتعة بهالشي

ياجماعة اذا هي جديدة هون وعم تحكي دوما بصراحة ولا الصراحة أحيانا بتوجع ....

كتير بتوجع


ما حدا لح يوقف ويدافع عنها ....

معتمدة مبدأ الهجوم أفضل طريقة للدفاع

ولا يهمك زيونة عزيزتي استمري ونحنا معك والله يفرجها عليك وعل جميع المسلمين أجمعين ....



تسلمي

اللهم عافنا و اعف عنا

وين صاحب الموضوع

اوعى تكون انهزت ثقته بشخصيته

ولا ما تكون عم تضحك علينا

لانه كترانين يلي عم يضحكوا

هاد يلي ناقصه المنتدى

تفضلت حضرتك و زتيت فاتوشة بالمنتدى و هربت

هني بدون هل الفاتوشة ما خالصين

و بدون دف بيرقصوا

الله يكون بعونكم يا ادارة و يا مشرفين